Поглаварот на ИВЗ, Фетаху: „Огромно задоволство претставува враќањето на „Аја Софија“ во функција како џамија"

АНКАРА

Вршител на должноста претседател на Исламската верска заедница (ИВЗ) на Република Северна Македонија Реис-ул улема Шаќир Ефенди Фетаху, во писмото што го испрати до претседателот на Големото народно собрание на Турција, Мустафа Шентоп, го изрази задоволството од отворањето на „Аја Софија“ за богослужба, јавува Агенција Анадолија (АА).

Во писмото Фетаху ги изрази среќата и радоста што по 86 години, со одлука на Државниот совет и указот на претседателот на Турција, Ердоган, „Аја Софија“ со отворањето за богослужба, која ќе биде проследена со петочната молитва (џума-намаз), утре повторно ќе стане џамија и ќе ѝ биде вратена нејзината вистинска функција.

Во писмото, Шаќир Ефенди Фетаху наведува: „Огромна среќа и задоволство претставува враќањето на „Аја Софија“ во функција како џамија, првенствено за граѓаните на Република Турција, за нас, муслиманите од Северна Македонија, но и за целиот муслимански свет. Посакувам овој историски настан да биде од корист за сите муслимани во светот.“

Искажувајќи ги и своите чувства по повод годишнината од 15 јули, предавничкиот обид за државен удар во Турција, Фетаи истакна дека Република Турција под лидерство на претседателот Реџеп Таип Ердоган претставува ѕвезда во подем и ненадминлив извор на надеж во очите на муслиманите од светот и на угнетуваните.

Во исто време, во писмото Фетаху му го честиташе на Шентоп реизборот за претседател на Големото народно собрание на Турција