Фестивалот „Кукерландија“ во Бугарија ги оживува древните традиции

СТАРА ЗАГОРА (АА) – Учесници облечени во шарени, рачно изработени костими и маски го одбележаа традиционалниот фестивал на маски „Кукерландија“ во бугарскиот град Стара Загора, јавува Анадолу.

На фестивалот, кој секоја година привлекува голем број посетители, се претставени ритуали за истерување на злите духови и одбележување на почетокот на пролетта, со надеж за добра жетва, здравје, плодност на земјата и среќа.

За време на фестивалот, на кој изведувачите носат застрашувачки маски направени од природни материјали, се верува дека бучавата од ѕвоната поставени на нив ја буди природата и ги брка злите духови.

Се смета дека фестивалот ги оживува паганските традиции од периодот кога древните Тракијци живееле на територијата на денешна Бугарија.

„Кукерландија“ со енергичната атмосфера и вековните традиции претставува значаен дел од бугарското културно наследство.