Африка: Бројот на починати од Ковид-19 надмина 44.000

АБУЏА (АА) - Бројот на починати од новиот вид коронавирус (Ковид-19) на африканскиот континент надмина 44.000, пренесува Агенција Анадолија (АА).

Според интернет-страницата „Worldometer“, вкупната бројка на откриени случаи во Африка се искачи на 1.838.867.

Исто така, вкупната бројка на починати се зголеми на 44.012.

Најмногу смртни случаи од Ковид-19 се регистрирани во Јужноафриканската Република (19.585), по која следуваат Египет (6.318) и Мароко (3.982).

Во Еритреја и на Сејшелите досега не се регистрирани смртни случаи од Ковид-19.

Најмногу случаи на Ковид-19 се откриени во Јужноафриканската Република, каде заразени се 730.548 лица.

Во Африка од вирусот досега се излекувани вкупно 1.497.854 лица.