Aida Cako
21 Јануари 2025•Ажурирај: 22 Јануари 2025
СКОПЈЕ (АА) – Продолжува враќањето на Палестинците во нивните домови во Газа по постигнатиот прекин на огнот помеѓу Хамас и Израел, јавува Анадолу.
Меѓу оние што се вратија во своите домови во Рафа, јужниот град во Појасот Газа, е и палестински уметник што создава уметност на урнатините од уништените домови.
Раселените Палестинци постепено се враќаат во своите домови, а делата на овој уметник насликани на урнатините го симболизираат не само уништувањето туку и непоколебливата решителност, копнежот за мир и вербата во подобра иднина.
Израел започна воена офанзива во Газа во која загинаа околу 47.000 Палестинци, повеќето жени и деца, по прекуграничниот напад на палестинската група Хамас на 7 октомври 2023 година.
Во неделата стапи на сила договорот за прекин на огнот и размена на затвореници помеѓу Израел и Хамас.
Во ноември минатата година Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант, обвинувајќи ги за воени злосторства и злосторства против човештвото во Газа.
Израел, исто така, се соочува со тужби за геноцид пред Меѓународниот суд на правдата за својата војна против Газа.
