Трамп вети дека ќе воведе смртна казна за трговците со деца доколку биде реизбран

Поранешниот американски претседател Доналд Трамп изјави дека ќе бара смртна казна за „секој фатен како шверцува деца преку нашата граница“ доколку биде реизбран во Белата куќа следната година, пренесува Анадолу.

Во видеото од кампањата, Трамп рече дека под негово водство САД направиле „повеќе од која било администрација во историјата за борба против трговијата со луѓе и ставање крај на модерното ропство“.

„Кога ќе се вратам во Белата куќа, веднаш ќе ставам крај на граничниот кошмар на Бајден што трговците со луѓе го користат за злоупотреба на ранливите жени и деца“, нагласи Трамп во видеото, ветувајќи дека ќе се бори против картелите.

Поранешниот американски претседател, кој бара уште еден мандат во трката во 2024 година, рече дека ќе стави крај на трговијата со деца „со враќање на сите жртви на трговија со деца во нивните семејства во нивните земји на потекло без одлагање“, активирајќи го законот „Титл-42“, наредба за јавно здравје што ја воведе за време на неговиот мандат, а која им дозволуваше на службениците да депортираат мигранти врз основа на спречување на ширење на КОВИД-19.

„Ќе го повикам Конгресот да обезбеди секој што ќе биде фатен како шверцува деца преку нашата граница веднаш да добие смртна казна“, додаде тој.