Втор авион на „Флајдубаи“ се враќа од пат кон Тел Авив

Втор авион на „Флајдубаи“, кој летал од Дубаи кон Тел Авив, денес се вратил назад за време на летот, а причината за инцидентот засега не е позната, објавија израелските медиуми, јавува Анадолу.

Според „Инет“, авионот на летот ФЗ1081 на „Флајдубаи“ се вратил назад додека летал кон Тел Авив.

Нема индикации дека инцидентот со овој авион е поврзан со претходниот инцидент со летот ФЗ1073, на кој беше активирано предупредување за можно киднапирање пред авионот принудно да слета во Саудиска Арабија, објави „Инет“.

Претходно денес авионот на летот ФЗ1073, кој сообраќаше од Дубаи кон Тел Авив, прати сигнал за опасност и безбедно слета на меѓународниот аеродром „Принц Султан бин Абдулазиз“ во Табук, Саудиска Арабија, јави Анадолу.

Аеродромот соопшти дека капетанот и првиот офицер биле повредени и пренесени во болница на медицински третман.

„Инет“ објави спротивставени информации за околностите на инцидентот, додека израелскиот „Канал 12“ објави дека тој не изгледал како да е поврзан со безбедносен проблем и дека властите проверуваат дали сигналот за опасност бил активиран по грешка по расправија меѓу пилотите.