Четири лица загинаа при превртување на брод во Југозападна Кина

ИСТАНБУЛ (АА) – Најмалку четири лица загинаа откако брод се преврти во туристичко место во Југозападна Кина, соопштија денес официјални претставници, јавува Анадолу.

Инцидентот се случил вчера во туристичката област Лијанксиван, кај градот Чуксионг, во покраината Јунан. На бродот имало 26 лица, според државниот весник „Глобал тајмс“, повикувајќи се на соопштение од Министерството за управување со вонредни состојби.

Надлежните не објавија детали за тоа колку луѓе се спасени или дали некој сè уште е исчезнат.

Министерството соопшти дека Канцеларијата на Комитетот за безбедност при работа при Државниот совет наредила надзор на истрагата. Причините за несреќата сè уште се истражуваат.