Шпанскиот премиер Санчез во сабота во официјална посета на Кина

Шпанскиот премиер Педро Санчез во сабота ќе ја започне својата четиридневна официјална посета на Кина, потврдија денес властите во Пекинг, јавува Анадолу.

Според соопштението на Министерството за надворешни работи на Кина, посетата, која се реализира на покана на кинескиот премиер Ли Чијанг, ќе трае до 15 април.

Ова ќе биде четврта посета на Санчез на Кина откако ја презеде функцијата премиер.

Обемот на билатералната трговија меѓу Шпанија и Кина во 2024 година достигна вредност од 50,1 милијарда долари.

Во рамките на престојот се очекува Санчез да оствари средба и со кинескиот претседател Си Ѓинпинг.

Посетата се случува во период кога европските и азиските економии се стремат кон стабилизирање на синџирите на снабдување и диверзификација на партнерствата, при што и Мадрид и Пекинг сигнализираат интерес за одржување на стабилен дипломатски и економски ангажман.