Азербејџанскиот претседател Алиев со честитка до Ердоган за победата на изборите

БАКУ (АА) - Претседателот на Азербејџан, Илхам Алиев, преку телефонски разговор му ја честиташе победата на претседателот на Туркије, Реџеп Таип Ердоган на претседателските избори, пренесува Анадолу.

Според соопштението на Претседателството на Азербејџан, Алиев рече дека оваа победа ја смета како знак на довербата на турскиот народ во политиките на Ердоган, изразувајќи уверување дека сеопфатниот развој на Туркије ќе продолжи и во наредните години под водство на Ердоган.

Алиев му посака на претседателот Ердоган нови успеси во неговите активности за благосостојба на турскиот народ и развој на земјата.

Ердоган му се заблагодари и на азербејџанскиот колега му честиташе по повод Денот на независноста на Азербејџан.

Алиев го покани и турскиот претседател во Азербејџан.

Изразувајќи уверување дека пријателските и братските односи меѓу двете земји ќе продолжат успешно да се развиваат на сите полиња, двајцата лидери разговараа и за прашањата за соработката меѓу двете земји во оваа прилика.