Анкети: Продолжува падот на популарноста на францускиот претседател Макрон

ПАРИЗ

Последните испитувања на јавното мнение открија дека околу 60 отсто од луѓето во Франција не се задоволни од политиката на францускиот претседател, Емануел Макрон, и на францускиот премиер, Жан Кастекс, јавува Агенција Анадолија (АА).

Онлајн анкетата ја спроведе Францускиот институт за јавно мнение (IFOP), а учествуваа 1.936 полнолетни граѓани.

Незадоволство од Макрон изразија 60 отсто од испитаниците, додека 59 испитаници се незадоволни и од премиерот на Франција, Кастекс.

Францускиот претседател Макрон од четвртокот е во изолација поради тоа што бил позитивен на Ковид-19.

Последното истражување на Францускиот институт за јавно мнение (IFOP) покажа дека популарноста на францускиот претседател Макрон во декември паднала за додатни три проценти и дека моментално изнесува 38 проценти. Популарноста на францускиот премиер изнесува 37 отсто.

Минатиот месец во Франција е спроведено уште едно истражување на јавното мнение, што откри дека седум од 10 Французи не ѝ веруваат на администрацијата на Макрон кога станува збор за борбата против коронавирусот.

Повеќето испитаници сметаат дека мерките за спречување на ширењето на вирусот биле незаконски и неадекватни.