Büşra Selvi Öğütcen
25 Септември 2022•Ажурирај: 26 Септември 2022
ЊУЈОРК (АА) - Белорускиот шеф на дипломатијата, Владимир Макеи, изјави дека западните земји треба да сносат одговорност за пролеаната крв во Украина, известува Агенција Анадолија (АА).
Макеи им се обрати на учесниците на 77. Генерално собрание на Обединетите нации во Њујорк.
Тој истакна дека главната причина за руско-украинската војна датира 30 години пред завршувањето на Студената војна.
Наведувајќи дека во наведениот период немало официјални договори, туку е склучен само „џентлменски договор“, Макеи во својот говор тврдеше дека тоа отворило пат Западот да ја гарантира својата доминација.
Макеи се осврна на принципот на „неделива безбедност“, кој бара сите членки на Алијансата да делуваат со исто чувство и да дадат иста реакција кога земја членка на НАТО ќе забележи закана.
„НАТО и западните земји ги игнорираа легитимните безбедносни интереси на Русија и Белорусија во потрагата за своето проширување на исток“, изјави Макеи.
Тој наведе дека западните земји колективно требаат да сносат одговорност за пролиената крв во Украина.
„Голем број земји сакаат да создадат полицентричен или мултиполарен свет во кој никој нема на другите да им ја наметнува сопствената визија, интереси и вредности“, појасни Макеи.
Според неговите зборови, западните земји ги зголемиле цените на енергентите и храната поради економските санкции воведени кон Русија.
