Ванг: Кина го поддржува политичкиот процес предводен од Сирија

ИСТАНБУЛ (АА) - Кинескиот министер за надворешни работи, Ванг Ји, денес изјави дека Пекинг повикува на политички процес предводен од Сирија во блискоисточната земја разурната од војна, јавува Анадолу.

По средбата со египетскиот колега Бадр Абделати во кинеската престолнина, Ванг рече дека Пекинг „внимателно ги следи неодамнешните случувања во ситуацијата во Сирија“.

Соопштението на кинескиот министер за надворешни работи дојде откако Башар ал Асад, лидер на Сирија речиси 25 години, побегна во Русија кога антирежимските групи ја презедоа контролата врз главниот град Дамаск минатата недела, ставајќи крај на владеењето на партијата Баас, која беше на власт од 1963 година.

„Ние го поддржуваме раното остварување на мирот во Сирија, спроведувањето на Резолуцијата 2254 на Советот за безбедност на ОН и промовирањето внатрешен политички процес предводен од Сирија“, рече Ванг.

Тој додаде дека Пекинг го поддржува процесот „преку инклузивен дијалог за изнаоѓање национален план за реконструкција што е во согласност со волјата на народот“.