Во израелските напади во Газа убиени 1.417 Палестинци, од кои 447 деца

ИСТАНБУЛ (АА) - Бројот на загинати Палестинци во израелското бомбардирање на Газа се зголеми на 1.417, пренесува Анадолу.

Палестинското Министерство за здравство објави дека во израелските напади врз Газа од 7 октомври загинале 1.417 лица, вклучително 248 жени и 447 деца.

Наведено е дека се повредени 6.268 лица, од кои 932 жени и 1.531 дете.

Ситуацијата ескалираше во Појасот Газа по нападите на палестинската група Хамас врз израелските градови во саботата.

Военото крило на Хамас, бригадите Ал-Касам, во саботата наутро започна сеопфатна операција наречена „Поплава Ал Акса“.

Израел возврати со масовни воздушни напади врз Газа.

Најмалку 1.300 Израелци загинаа, а 3.300 се повредени во нападите од Газа.