ОН: Бројот на раселени лица во Газа поради израелските бомбардирања надмина 338.000

РАМАЛА (АА) - Канцеларијата на ОН за координација на хуманитарни прашања (UNOCHA) објави дека бројот на раселени лица во Газа поради тековните израелски воздушни напади надмина 338.000, пренесува Анадолу.

Во писменото соопштение од Канцеларијата на ОН се вели дека над 338.000 Палестинци биле принудени да ги напуштат своите домови од почетокот на израелско-палестинскиот судир.

Генералниот секретар на ОН, Антонио Гутереш, претходно изјави дека 220.000 Палестинци се засолнети во објекти поврзани со Агенцијата на ОН за помош и работа за палестинските бегалци на Блискиот Исток (UNRWA) во Газа.