Во израелските напади врз Газа загинаа 8.796 лица, од кои 3.648 деца

ГАЗА (АА) - Бројот на загинати Палестинци во израелската воена офанзива во Појасот Газа се искачи на 8.796, соопшти денес Министерството за здравство во блокираната енклава, јавува Анадолу.

„Од загинатите, 3.648 се деца, 2.290 се жени, а 22.219 лица се повредени“, изјави портпаролот на Министерството, Ашраф ал Кудра, на прес-конференцијата во градот Газа.

Тој истакна дека 2.030 луѓе сѐ уште се заробени под урнатините во Газа.

„Во израелските напади загинаа 132 медицински лица, а уништени се 25 амбулантни возила“, додаде Ал Кудра.

Како што соопшти, израелските сили од 7 октомври извршиле напади врз 58 здравствени установи во Газа.

„58 болници и 32 центри за примарна здравствена заштита не работат поради израелските напади и недостигот на гориво“, додаде тој.

Од изминатиот викенд израелската војска ги прошири своите воздушни и копнени напади врз Појасот Газа, кој е под немилосрдни бомбардирања по ненадејната офанзива на палестинската група на отпорот, Хамас, на 7 октомври.

Во нападите на Хамас загинаа 1.538 Израелци.