Во израелските напади врз Газа убиени петмина цивили

ГАЗА (АА) - Петмина Палестинци, меѓу кои и една жена, загинаа во израелските напади во различни делови на Појасот Газа, кои продолжија и покрај празникот Курбан Бајрам, јавува Анадолу.

Според палестинската новинска агенција ВАФА, тројца Палестинци, меѓу кои и една жена, се убиени, а некои се тешко ранети во израелското бомбардирање на куќа во округот Шеик Ридван.

Истовремено со нападите врз градот Газа, напади беа извршени и во северозападниот дел на бегалскиот камп Нусејрат во централниот дел на Појасот Газа.

Цивилната одбрана во Газа соопшти дека двајца Палестинци биле убиени во напад во текот на ноќта во областа Би'р Џанада во округот Тел ес-Султан на запад од Рафа.

Во израелските напади врз Појасот Газа од 7 октомври загинаа 37.337 Палестинци, меѓу кои најмалку 15.694 деца и 10.279 жени, а ранети се 85.299 лица.