Брат на загинат израелски војник викаше на Бени Ганц

АНКАРА (АА) - Братот на Адам Бисмут, израелски војник кој е убиен во Појасот Газа, место што се наоѓа под израелска блокада, му пријде на Бени Ганц, член на воениот Кабинет, за време на погребната церемонија, и со повишен тон му рече: „Мојот брат не умре залудно, запрете ја војната“, известува Анадолу.

Погребната церемонија за 21 израелски војник коишто загинаа на 22 јануари за време на судирите во централниот дел на Појасот Газа се одржа во присуство на членовите на семејствата и израелски официјални лица.

Бени Ганц, член на воениот Кабинет, кој присуствуваше на испраќањето на загинатиот војник Адам Бисмут (35), вербално беше нападнат од братот на Адам. Присутните на церемонијата интервенираа и го спречија братот на убиениот војник.

Братот на загинатиот војник го повика Ганц да ги запре израелските напади врз Газа велејќи: „Мораш да ја запреш војната. Да заврши. Да заврши оваа војна. Мораш. Мојот брат не умре залудно.“

Израелската Армија претходно објави дека на 22 јануари во централниот дел на Газа се убиени 21 нејзин војник.