Во израелските напади на Газа во текот на ноќта убиени се 27 Палестинци

ИСТАНБУЛ (АА) - Во израелските напади на Појасот Газа во текот на ноќта убиени се 27 Палестинци, известува Анадолу.

Според вестите што ги објави палестинската новинска агенција ВАФА, убиени се најмалку 13 Палестинци, а голем број се ранети во израелските бомбардирања на населени места во округот Хуза, во подрачјето на градот Хан Јунис во јужниот дел на Појасот Газа.

Во Хан Јунис убиен е и палестински рибар на брегот на регионот Ал Маваси.

Бројката на убиени Палестинци во израелското гранатирање на бегалскиот камп Џабалија во северниот дел на Појасот Газа се зголеми на 9, меѓу кои има три деца и две жени.

Четворица Палестинци се убиени, а 11 се ранети во израелското бомбардирање на бегалскиот камп Нусејрат во централниот дел на Газа.

Израелската војска продолжи да го напаѓа Појасот Газа од воздух, копно и море во текот на целата ноќ.

Во израелските напади на Појасот Газа од 7 октомври минатата година убиени се 41.020 Палестинци, меѓу кои најмалку 16.715 се деца и 11.308 жени, а ранети се 94.925.