Во пад на лесен авион во Австралија загинаа четири лица, од кои две деца

АНКАРА (АА) - Најмалку четири лица, меѓу кои и деца, загинаа откако лесен авион се урна во близина на источниот брег на Австралија, пренесува Агенција Анадолија (АА).

Потврдено е дека при падот на авионот во водите во близина на Редклиф, предградие северно од Бризбејн, животот го изгубиле двајца мажи и две деца, според јавувањето на локалните медиуми.

Главниот комесар на Австралиското биро за сообраќај, Ангус Мичел, за медиумите изјави дека тимови од Бризбејн и Канбера се на местото на настанот за да ја утврдат причината за несреќата.

Тој, исто така, упати апел доколку има сведоци на несреќата да им помогнат на властите во истрагата.