Во хеликоптерската несреќа во Азербејџан загинаа 14 војници

БАКУ

Во падот на воениот хеликоптер на Државните гранични служби на Азербејџан животот го загубија 14 војници, од кои повеќето се офицери, а двајца војници се повредени, пренесува Агенција Анадолија (АА).

Државните гранични служби на Азербејџан соопштија дека несреќата се случила во подрачјето за воздушна обука Карахејбет во регионот Хизи околу 10:40 часот по локално време.

Во соопштението се наведува дека на местото на несреќата пристигнале високи функционери на Државните гранични служби и на Јавното обвинителство и дека е започната истрага за несреќата.

Властите информираа дека во несреќата загинале 1 полковник, 1 потполковник, 5 мајори, 4 капетани, 2 поручници и 1 технички вработен, а повредени се 1 потполковник и 1 капетан.

Претседателот на Азербејџан, Илхам Алиев, изрази сочувство до семејствата и роднините на војниците што ги загубија животите во несреќата.