Граѓаните на Романија бираат нов претседател

БУКУРЕШТ (АА) - Граѓаните во Романија денес излегуваат на гласачките места за да го искористат правото на глас на претседателските избори, јавува Анадолу.

На 9-те избори во Романија, членка на Европската Унија (ЕУ) и НАТО, во трката за нов претседател на земјата се 13 кандидати.

Доколку ниту еден кандидат не добие повеќе од 50 отсто од гласовите за петгодишниот претседателски мандат, вториот круг од изборите ќе се одржи во недела на 8 декември.

Според последните анкети, најголема предност имаат премиерот Марсел Чолаку, кој ја има поддршката на Социјалдемократската партија (PSD), која е најголемата партија во земјата, Џорџ Симион, лидерот на екстремно десничарскиот Сојуз на единството на Романците (AUR), Мирчеа Џеоана, поранешниот заменик генерален секретар на НАТО и Елена Ласкони од партијата „Да го спасиме романското единство“.

Гласањето започна во 07:00 часот по локално време, а ќе заврши во 21:00 часот.

Првите неофицијални резултати се очекува да бидат објавени пред полноќ.

Актуелен претседател на државата е Клаус Јоханис, кој е на функцијата од декември 2014 година.

Во Романија во недела, на 1 декември, ќе се одржат и општи избори.