Едно лице загина, а друго е тешко повредено при напад со нож во Ротердам

РОТЕРДАМ (АА) - Едно лице го загуби животот, а друго е тешко повредено при напад со нож во Ротердам, Холандија, известува Анадолу.

Холандската полиција синоќа објави писмено соопштение во кое информира дека имало напад со нож околу мостот Еразмус во градот Ротердам.

Во соопштението се наведува дека едно лице е убиено, а друго е тешко повредено, додавајќи дека и напаѓачот е повреден и приведен.

Полицијата информираше дека повредените се пренесени во болница и дека е почната истрага за нападот.

Во веста објавена во локалните медиуми беше споделено дека напаѓачот со два големи ножа ги напаѓал случајните минувачи околу мостот Еразмус.