Здравствените работници во Северна Ирска излегоа на штрајк

ЛОНДОН (АА) - Здравствените работници во Северна Ирска штрајкуваат поради несогласување во врска со покачувањето на платите, пренесува Агенција Анадолија (АА).

Илјадници членови на синдикатите УНИСОН, „Нипса“ и ГМБ кои не го прифаќаат предлогот за покачување на платите, кое е под нивото на инфлацијата, одржуваат еднодневен штрајк.

Ен Спид од УНИСОН истакна дека на еднодневниот штрајк се приклучиле илјадници здравствени работници.

„Страшно е што вратите се затворени за синдикатите кои се подготвени за преговори. Затоа, неизбежно е одржувањето на денешните демонстрации“, рече таа.

Потсетуваме, здравствените работници и на 12 декември 2022 година одржаа еднодневен штрајк. Синдикатите тврдат дека бонусот од 1.400 фунти планиран за 2022-2023 година не е доволен против зголемената инфлација.