Израелската армија тврди дека убила командант на Хамас во градот Газа

Израелската војска, која продолжува со деструктивните напади врз палестинската енклава, тврди дека убила командант на Хамас во градот Газа, пренесува Анадолу.

Во соопштението на војската се вели дека Хајтам Разек Халил е убиен, заедно со други членови на Хамас, во „прецизен напад“ во градот Газа вчера.

Армијата тврди дека Халил бил командант на баталјонот Шуџаија на Хамас и дека е одговорен за серијата напади врз израелските сили во Газа.

Нема непосредна потврда од Хамас за израелското тврдење.

Израелската армија продолжи со смртоносниот напад врз Газа на 18 март, убивајќи над 1.500 Палестинци, ранувајќи над 3.800, со што го прекрши договорот за прекин на огнот и размена на затвореници што се склучи во јануари.

Над 50.800 Палестинци се убиени во Газа во бруталната израелска офанзива која започна во октомври 2023 година, од кои повеќето жени и деца.

Меѓународниот кривичен суд во ноември минатата година издаде налози за апсење на израелскиот премиер Бенјамин Нетанјаху и неговиот поранешен министер за одбрана, Јоав Галант, за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за неговите постапки во енклавата.