Илјадници граѓани на Австралија на протести против одлуката за забрана на абортус во САД

МЕЛБУРН (АА) - Илјадници луѓе во Австралија протестираа против одлуката на Врховниот суд на САД со која се укинува правото на абортус, пренесува Агенција Анадолија (АА).

Илјадници луѓе се собраа во Мелбурн, Сиднеј и Хобарт со цел да го свртат вниманието на одлуката за забрана на абортус во 16 американски држави, и на потешкотиите и трошоците при абортус во Австралија, објави „Еј-би-си њуз“.

Речиси 3.000 луѓе се собраа пред Државната библиотека Викторија во Мелбурн, а стотици се собраа на железничката станица Таун Хол во Сиднеј и покрај дождливото време.

Насобрани пред Парламентот во Хобарт, демонстрантите изразија солидарност со жените во САД.

Со оваа законска одредба во 16 американски сојузни држави во кои републиканците имаат мнозинство во локалните законодавни тела, забранет е абортусот, откако Врховниот суд на САД на 24 јуни пресуди дека абортусот е надвор од уставното право.