Иран со тврдење дека „се убиени 80 американски војници“

ТЕХЕРАН

Иран тврди дека најмалку 80 американски војници загинале во нападот со балистички ракети врз американската воздушна база „Ајн ел Асад“ во Ирак, пренесува Агенција Анадолија (АА).

Иранската државна телевизија, во веста што ја базира на извори од Револуционерната гарда, објави дека ракетите ги погодиле чувствителните и витални точки во базата и дека најмалку 80 американски војници ги загубиле своите животи. Исто така, во нападот сериозно биле оштетени голем број беспилотни летала, хеликоптери и воена опрема.

Покрај тоа, се наведува дека уште 104 точки на САД се земени како цел на иранските напади и дека ако Вашингтон преземе нов чекор и тие места ќе бидат нападнати.

Од друга страна, иранскиот државен ТВ-канал, кој емитува програма на англиски јазик, „Прес ТВ“, соопшти дека не може да ја потврди веста дека се убиени 80 американски војници.