Италија: Од Ковид-19 починаа 34.708 лица

РИМ

Во Италија во последните 24 часа од последиците на Ковид-19 починаа 30 лица, јавува Агенција Анадолија (АА).

Последните податоци во врска со епидемиолошката ситуација во земјата ги изврши Министерството за здравство.

Бројот на активни случаи е помал за 665 и изнесува 17.638, а вкупниот број на заразени е зголемен на 239.961. Во последните 24 часа заразување е потврдено кај 259 лица.

Бројот на излекувани е поголем за 890 и изнесува 187.615.

Бројот на починати од Ковид-19 во последните 24 часа е поголем за 30 и изнесува 34.708.

До денес се извршени 5.215.922 тестирања.

Премиерот Џузепе Конте и министерката за образование Лучија Ацолина соопштија дека училиштата, со зајакнати мерки, ќе ги отворат вратите на 14 септември.

Наставата во училиштата во февруари е прекината во Ломбардија, Емилија-Ромања и Венето, а во останатите региони во март.