Италија: Стотици заразени, 17 починати од западнонилската треска

Италија пријави повеќе потврдени случаи на Западнонилската треска и 17 смртни случаи во 2026 година, соопштија здравствените власти, додека болеста што се пренесува преку комарци продолжува да се шири, јавува Анадолу.

Националниот институт за здравје соопшти дека од почетокот на годината се пријавени 432 потврдени случаи, со 17 смртни случаи предизвикани од вирусот.

Се наведува дека стапката на смртност, пресметана за досега пријавените и потврдени невроинвазивни форми, изнесува 7,2 отсто, во споредба со 13,9 отсто во истиот период во 2026 година.

Минатата година биле пријавени 430 случаи, со 27 смртни случаи, се додава во соопштението.

Вирусот Западен Нил главно ги погодува луѓето, коњите и птиците, а се пренесува преку комарци.

Околу 80 отсто од заразените лица не развиваат никакви симптоми, додека кај 19 отсто се јавуваат симптоми слични на грип, а кај 1 отсто се развиваат невролошки симптоми.