Калин : „Турција им придава значење на врските со американската муслиманска заедница“

ЧИКАГО

Портпаролот на турското претседателство, Ибрахим Калин изјави дека Турција придава значење на здравите и силни односи со муслиманската заедница во САД, јавува Агенција Анадолија (АА).

Калин ги даде своите забелешки на гала вечерата на Конвенцијата на Муслиманското американско општество и Исламскиот круг на Северна Америка (MAS-ICNA), една од најголемите исламски конвенции што се одржуваат секоја година во Северна Америка.

Турскиот функционер рече дека верата е повеќе од само систем на верување бидејќи е поврзана и со прашањата на духовноста, правдата и добрината.

Ердоган, од своја страна, испрати видео-порака на настанот во која повика на натамошно зајакнување на солидарноста против културниот расизам, ксенофобијата и исламофобијата - кои добија на интензитет за време на пандемијата на Ковид-19.

„Сите муслимани се браќа и сестри, без разлика на нивното потекло, боја на кожа, нација, култура, секта“, рече Ердоган, додавајќи дека исламот нема простор за исклучување, поттикнување или терор.

Турскиот лидер ги повика муслиманите да не се повлекуваат во својата школка соочени со заканите против нивното постоење и да се трудат да го заземат вистинското место во светот.