Кејт Флинт, пејачот на бендот Продиџи, пронајден мртов

ЛОНДОН (АА) - Почина Кејт Флинт, пејачот на познатиот англиски бенд за електонска музика „Продиџи“, пренесува Anadolu Agency (AA).

Британската полиција соопшти дека Флинт (49) денес е пронајден мртов во неговиот дом во Есекс.

Портпаролот на полицијата на Есекс истакна дека биле повикани нешто по 8:00 часот по локално време во домот на музичарот во Брук Хил.

„Пристигнавме во домот, и со жалење, само констатиравме смрт на 49-годишното лице на самото место“, истакна тој.

Од полицијата велат дека не се разгледува дека смртта е настапена под сомнителни околности.

Флинт се прослави со бендот Продиџи (The Prodigy) кога нивните познати синглови „Firestarter“ и „Breathe“ се најдоа на врвот на музичките листи во1997 година.

На пејачот во мај му претстоеше турнеја низ САД.