Кина: Во поплавен рудник заробени 11 рудари

ПЕКИНГ (АА) - Најмалку 11 рудари останаа заробени откако вода потопи рудник за мрк јаглен во Кина, јавува Anadolu Agency (AA).

Кинеската новинска агенција Синхуа јавува дека доцна синоќа продрела вода и го потопила рудникот за мрк јаглен во кинескиот град Тонгчуен во северозападната покраина Шанкси.

Спасувачките екипи и понатаму се обидуваат со пумпи да ги ослободат премините и да дојдат до 11-те рудари кои останаа заробени во рудникот.

Во текот на продирањето на водата, од рудникот успеале да излезат 56 рудари.