Кинески студент во САД обвинет за нелегално гласање во Мичиген

ЛАНСИНГ (АА) - Кинески студент на Универзитетот во Мичиген се соочува со обвинение за незаконско гласање за време на предвременото гласање во Соединетите Американски Држави (САД), известува Анадолу.

Студентот се соочува со обвиненија за лажно сведочење и обид да гласа како неовластен гласач, што е кривично дело, се вели во заедничката изјава на државната секретарка на Мичиген, Џоселин Бенсон и обвинител на округот Ваштенау, Ели Савит.

За обвинението за неовластен гласач предвидена е максимална казна до четири години затвор и парична казна од 2.000 долари.

„Секој што ќе се обиде да гласа незаконски се соочува со значителни последици, вклучително и апсење и гонење“, се вели во соопштението.

Единствено државјаните на САД можат да гласаат на федералните избори и секој гласач мора да го потврди американско државјанство кога се регистрира. Изборните канцеларии имаат детален процес кои им помогаат да ги фатат сите странски државјани кои ќе се обидат да гласаат.

Американските гласачи на 5 ноември ќе одлучат кој ќе го контролира американскиот Конгрес, со одлука дали во Белата куќа ќе биде поранешниот претседател Доналд Трамп или потпретседателката Камала Харис. Која политичка партија на крајот ќе го контролира Домот или Сенатот, ќе биде од клучно значење за новиот претседател за да ја спроведе својата законодавна агенда.