Мексико: Се преврти автобус со странски државјани, загинаа 18 лица

АНКАРА (АА) - Во сообраќајна несреќа во која учествувал автобус со странски државјани во Мексико загинаа 18 лица, а 23 се повредени, јавува Анадолу.

Автобусот, кој сообраќал од главниот град на Мексико кон Тихуана, паднал од околу 40 метри височина.

Загинаа 18 лица, меѓу кои и деца, а 23 се повредени.

Возачот на автобусот, кој преживеал и наводно заспал на воланот, е приведен.

Се проценува дека во автобусот имало 42 лица, од кои повеќето државјани на Индија, Доминиканска Република и африкански земји.

Се верува дека патниците во автобусот се нерегуларни мигранти што се обидувале да ја преминат границата со САД.