НАТО и САД ги разгледаа актуелните безбедносни прашања

АНКАРА (АА) - Генералниот секретар на НАТО, Јенс Столтенберг и државниот секретар на Соединетите Американски Држави (САД), Мајк Помпео, денеска разговараа за тековните безбедносни прашања, пренесува Anadolu Agency (AA).

„Одлични разговори со државниот секретар Помпео за тековните безбедносни прашања. НАТО целосно ги поддржува напорите за постигнување мир во Авганистан. Јас ги осудувам неодамнешните ужасни напади, а НАТО останува посветено на поддршка на авганистанските сили“, напиша Столтенберг на Твитер по разговорот кој се одвиваше зад затворени врати.

Помпео се состана и со претседателот на Европскиот парламент Давид Сасоли.

„Утринава разговарав со американскиот државен секретар Помпео за заедничките вредности и интереси. И Европа и САД имаат корист од посилна трансатлантска соработка“, напиша Сасоли на Твитер.

Во текот на дводневната посета на Брисел, Помпео оствари средби со челниците на НАТО и ЕУ на кои стана збор за трансатлантската соработка и за безбедносните прашања.

Вчера тој се сретна и со новоизбраната претседателка на Европската комисија, Урсула вон дер Лејен.