Најмалку 8 новинари загинаа во израелските напади врз Газа

ГАЗА (АА) - Најмалку осум новинари загинаа, а двајца се исчезнати во израелските воздушни напади врз Газа, кои започнаа по ненадејната офанзива на Хамас врз Израел во саботата, соопшти владината прес-служба во Газа, пренесува Анадолу.

Службата во соопштението наведе дека убиените новинари се Саид ал-Тавил, Мухамед Субх, Хишам ен-Навачихе, Ибрахим Лафи, Мухамед Чергун, Мухамед ес-Салихи, Есад Шемлах и Селаме Миме, додека уште двајца новинари, Нидал ал-Вахиди и Хејсем Абдулвахид, не се пронајдени.

Во меѓувреме, куќите на тројца новинари беа целосно уништени, а најмалку 40 медиуми дека биле цел на воздушни напади.

Ситуацијата ескалираше во Појасот Газа по нападите на палестинската група Хамас. Израел возврати со воздушни напади и ја стави енклавата под целосна блокада.

Исто така, го прекина снабдувањето со вода и електрична енергија во Газа, со што се влоши и онака лошата хуманитарна ситуација.

Во насилствата загинаа најмалку 2.100 луѓе, од кои 900 Палестинци и 1.200 Израелци.

Појасот Газа кој е дом на речиси 2,2 милиони луѓе, веќе од 2007 година е под израелска блокада.