Најмалку две лица загинаа во руски ракетни напади во Јужна Украина

ИСТАНБУЛ (АА) - Најмалку две лица загинаа рано утрово во руски ракетни напади во јужниот украински регион Миколаев, пренесува Анадолу.

„Рано утрово, 16 април, во 02:20 часот, Снихуривка беше под непријателски ракетен оган. Противавионски ракетни системи С-300“, рече гувернерот на Миколаев, Виталиј Ким, преку Телеграм.

Ким истакна дека во еден од нападите животот го изгубиле двајца тинејџери и дека биле оштетени станбени згради, една образовна институција и приватен деловен објект.

Додаде дека во градот Снихуривка се оштетени и две образовни институции, болница, културен центар и станбени згради.

„Според првичните информации, нема жртви“, додаде тој.

Во руската војна во Украина, која влезе во својата втора година, досега загинале 8.490 цивили, а ранети се 14.244, покажуваат најновите податоци на Обединетите нации.