Од Украина испловија уште два брода со жито

АНКАРА (АА) – Министерството за одбрана на Република Туркије соопшти дека уште два брода натоварени со жито испловиле од украинските пристаништа, јавува Агенција Анадолија (АА).

Во соопштението на турското Министерство се наведува дека бродовите пловеле за Истанбул согласно договорот кој претходно беше постигнат за извоз на жито од Украина.

Туркије, Обединетите нации (ОН), Русија и Украина минатиот месец постигнаа договор за извоз на жито од украинските црноморски пристаништа Југ, Черноморск и Одеса. Житото беше држено таму со месеци поради руско-украинската војна, која започна на крајот на февруари.

Во Истанбул беше формиран Заеднички координативен центар, составен од претставници на трите земји и на ОН, со цел следење на испораките.

Првиот брод со жито од украинските пристаништа заплови на 1 август, а досега на светските пазари се испорачани повеќе од 656.000 тони украинско жито.