ОН: Во Иран во 2020 година се егзекутирани 250 лица

ЊУЈОРК (АА) - Во Иран минатата година биле егзекутирани 250 лица, меѓу кои и четири деца затвореници, пренесува Агенција Анадолија (АА).

Специјалниот известувач за човекови права на Обединетите нации (ОН) за Иран, Џавид Рехман, имаше свое обраќање пред Комитетот за човекови права при Генералното собрание на ОН.

Тој нагласи дека Иран продолжува со спроведување на смртна казна на загрижувачко ниво.

Рехман истакна дека во Иран во 2020 година егзекутирани се над 250 затвореници, меѓу кои и четири деца.

Според него, оваа година 230 лица, од кои 9 жени и едно дете, биле тајно егзекутирани.