Оружен напад во Германија, загинаа 2 лица

БЕРЛИН (АА) - Две лица смртно настрадаа во оружен напад извршен во градот Еспелкамп кој се наоѓа во германската сојузна покраина Северна Рајна-Вестфалија, пренесува Агенција Анадолија (АА).

Според веста на германската новинска агенција ДПА, оружениот напад е извршен во централното градско подрачје на Еспелкамп.

Се истакнува дека во нападот загинале две лица, додека напаѓачот избегал од местото на настанот.

Полицијата презеде безбедносни мерки во подрачјето.