Палестинците во Хан Јунис продолжуваат со секојдневниот живот меѓу урнатините

КАН ЈУНИС (АА) – Палестинските жители во Хан Јунис, во јужниот дел на Појасот Газа, продолжуваат со секојдневниот живот меѓу урнатините, обидувајќи се да ги задоволат основните потреби по повлекувањето на израелските сили, јавува Анадолу.

Градот, кој беше меѓу најтешко погодените од израелските воздушни напади, сега претставува сцена на огромни разурнувања.

И покрај тешките услови, жителите се обидуваат да најдат храна и неопходни продукти на локалните пазари што функционираат во ограничени услови.

Недостигот на основни ресурси и оштетената инфраструктура дополнително го отежнуваат секојдневниот живот на цивилите.

Уништените улици, урнатите згради и недостигот на хуманитарна помош ја одразуваат тежината на ситуацијата.