Пентагон призна дека испратил антирадарски ракети во Украина

АНКАРА (АА) - Министерството за одбрана на Соединетите Американски Држави (Пентагон) за прв пат призна дека САД испратиле антирадарски ракети во Украина, пренесува Агенција Анадолија (АА).

Според „Си-ен-ен“ (CNN), Колин Кал, потсекретарот за одбранбена политика на Пентагон, на прес-конференција истакнал дека САД испратиле „неколку“ ракети во Украина.

Kал не дал детали за тоа каков тип антирадарска ракета е испратена, колку се испратени и кога.

Покрај тоа што во претходната воена помош не е објавено дека е испратена ракета, Кал рекол дека дале голема поддршка за да се осигури украинските воздухопловни сили да останат моќни.

Истакнувајќи дека САД испратиле резервни делови во Украина за воените авиони „Миг-29“ останати од советската ера, Кал истакнал дека испратените ракети може да имаат ефект врз руските радари и системи.

Кал, исто така ја соопштил поддршката на Пентагон за пакетот оружје од 1 милијарда долари за Украина.

Тоа е највисоката американска поддршка за вооружување што некогаш била дадена на Украина.

Со овој пакет, САД обезбедија вкупно 9,1 милијарда долари безбедносна помош за Украина од февруари.

- Тврдење дека е испратена ракета од видот АГМ-88 ХАРМ

Во изјавата за „Си-ен-ен“ официјален претставник на одбраната истакна дека испратена е ракетата АГМ-88 ХАРМ (противрадарска ракета со голема брзина).

Се наведува дека ракетата за тактички напад воздух-земја е произведена од компанијата „Рејтеон“ и се смета дека има дострел од над 30 милји. Ракетата може да се користи дури и за гаѓање на руските противвоздушни радарски системи како што е С-400.

Покрај тоа што Украинците јавно не обелоденија дека примиле или користеле ракети ХАРМ, извештаите од терен во последните денови укажуваат дека овие ракети се употребени.