Murat Temizer
31 Октомври 2022•Ажурирај: 02 Ноември 2022
АНКАРА (АА) - Полска планира да изгради три нуклеарни централи со шест реактори како дел од својата програма за нуклеарна енергија, објави синоќа полскиот премиер Матеуш Моравјецки, јавува Агенција Анадолија (АА).
Според полската новинска агенција ПАП, Моравјецки рече дека нуклеарната програма на земјата е поттикната за да се обезбеди енергетска безбедност.
Моравјецки во петокот на Твитер потврди дека Варшава ќе се здружи со американската компанија Вестингхаус за да ја изгради својата прва нуклеарна централа.
„Нуклеарните централи ќе ни помогнат да се осамостоиме од каприците на пазарот, трговците со енергија и временските услови“, рече тој.
Моравјецки, исто така, потврди дека вложувањето во нуклеарната енергија „не значи дека Полска нема да развива обновливи извори на енергија“.
„Сепак, потребна ни е стабилна енергија, која денес се обезбедува од јагленот“, додаде тој.
