Портпаролот на Владатa: Германија ќе преземе нови мерки против шпионажа и саботажа

Германија ќе преземе нови мерки за спречување на обидите за шпионажа и саботажа, додека и натаму се соочува со хибридни напади од Русија, соопшти Владата синоќа по состанокот на Советот за национална безбедност, јавува Анадолу.

Портпаролот на германската Влада, Штефан Корнелиус, изјави дека Советот ја разгледал изложеноста на Германија на хибридни закани по нападот со беспилотно летало на аеродромот во Лајпциг минатиот месец, за кој властите велат дека бил планиран од руското разузнавање.

„Советот за национална безбедност доби сеопфатна слика за ситуацијата“, изјави Корнелиус во соопштение по состанокот, со кој претседаваше канцеларот Фридрих Мерц. „Тој смета дека Германија ќе остане цел на хибридни напади од Русија.“

Тој рече дека Советот продолжил со разговорите за тоа како федералната Влада ќе одговори на идните хибридни напади и ги разгледал веќе договорените мерки во рамки на акцискиот план за одбрана од хибридни закани.

„Донесена е одлука за нови чекори против шпионажата и саботажата, како и за заштита на критичната инфраструктура“, се наведува во соопштението.

Корнелиус рече дека состанокот следувал по неколкунеделна интензивна координација меѓу надлежните министерства застапени во Советот за национална безбедност.

- Критични суровини и стратегиски зависности -

Советот на состанокот, исто така, се договорил за мерки за намалување на едностраната зависност на Германија од странски набавувачи во области значајни за економијата и безбедноста.

„Во овој контекст, донесе одлука за брза ревизија на законодавството за проверка на инвестициите и за мерки со кои ќе се обезбеди диверзифицирано и отпорно снабдување со критични суровини“, се наведува во соопштението.

Корнелиус, исто така, истакна дека Фондот за суровини, воспоставен од Владата, останува главниот инструмент за финансирање во рамки на Акцискиот план за политика за суровини.

Советот за национална безбедност повторно разговараше и за воената и цивилната одбрана, како и за безбедносните импликации на вештачката интелигенција.

„Во овој контекст, донесе одлука за брза ревизија на законодавството за проверка на инвестициите и за мерки со кои ќе се обезбеди диверзифицирано и отпорно снабдување со критични суровини“, се наведува во соопштението.

Корнелиус, исто така, истакна дека Фондот за суровини, воспоставен од Владата, останува главниот инструмент за финансирање во рамки на Акцискиот план за политика за суровини.

Советот за национална безбедност повторно разговараше и за воената и цивилната одбрана, како и за безбедносните импликации на вештачката интелигенција.