Gorana Jakovljevic
31 Октомври 2023•Ажурирај: 01 Ноември 2023
КАН ЈУНИС (АА) - Палестинските семејства чии домови беа уништени или мораа да ги напуштат поради израелските бомбардирања во Кан Јунис, Газа, живеат во автомобили и импровизирани шатори, јавува Анадолу.
Оние што не успеаја да најдат засолниште во училиштата и болниците живеат во катастрофални услови и на улица. Автомобилите во кои ги спакуваа основните работи пред да побегнат, сега им се единствен „покрив над глава“.
Конфликтот во Газа започна на 7 октомври кога Хамас ја почна операцијата „Поплава Ал Акса“, повеќестран ненадеен напад со зачестени лансирања на ракети и инфилтрирање во Израел по копно, море и воздух.
Хамас рече дека нападот бил одмазда за нападот на џамијата „Ал Акса“ и насилството на израелските доселеници врз Палестинците.
Тогаш израелската армија започна немилосрдно бомбардирање, а потоа ги прошири воздушните и копнените напади врз Појасот Газа.
Во конфликтот загинаа повеќе од 9.800 луѓе, меѓу кои 8.306 Палестинци и повеќе од 1.538 Израелци.
