Пукање во трговски центар во Осло, сторителот е приведен

ИСТАНБУЛ (АА) – Пукање се случи денес во трговски центар во Осло, главниот град на Норвешка, каде маж влегол со пиштол. Напаѓачот подоцна бил приведен, објави локалниот радиодифузер НРК, известува Анадолу.

„Испукан е еден куршум. Сторителот е во притвор“, изјави Тор Гротум од полицијата во Осло, додека службите за итни случаи остануваат во Стор Сторсентер, најголемиот трговски центар во Осло.

Сите лица кои биле во трговскиот центар се евакуирани, а засега нема информации за повредени.

„Не се сомневаме дека има повеќе сторители, но бараме пошироко. Засега зборуваме за еден осомничен“, рече Гротум.