Русија не планира официјално партнерство со ОПЕК

МОСКВА (АА) - Портпаролот на Кремљ, Димитриј Песков, истакна дека Русија не планира да воспостави официјално партнерство со Организацијата на земјите извознички на нафта и нафтени деривати ОПЕК (OPEC), јавува Anadolu Agency (AA).

Песков во изјава за медиумите во Москва разговараше за тврдењата дека ОПЕК сака да воспостави официјално партнерство со Русија, со цел подобро балансирање на глобалната цена на нафтата.

Песков рече дека рускиот претседател Владимир Путин се консултирал со бројни лидери за соработката меѓу OPEC и Русија.

„Последен пат Путин за ова прашање разговараше со саудискиот престолонаследник, принцот Мухамед бин Селман. Тој се осврна на ефективноста на постоечката соработка во балансирањето на меѓународната цена на нафтата. Затоа, не постои план да се воспостави официјално партнерство со ОПЕК“, додаде тој.