СЗО: Извршени се повеќе од 100 напади врз здравствени центри во Украина

ЖЕНЕВА (АА) - Светската здравствена организација (СЗО) соопшти дека бројот на извршени напади врз здравствени домови во Украина, надмина 100, пренесува Агенција Анадолија (АА).

Во писменото соопштение на организацијата се истакнува дека од почетокот на војната на 24 февруари досега се извршени 103 напади врз здравствени домови, од кои во 89 погодени се здравствени згради, во 13 погодени се амбулантни возила.

Генералниот директор на СЗО, д-р Тедрос Аданом Гебрејесус, наведувајќи дека се крајно лути поради нападите врз здравствените услуги, рече: „Нападите врз здравствените услуги се кршење на меѓународното право за човекови права.“

Наведувајќи дека сегашната ситуација не може да се подобри без обезбедување мир, Гебрејесус го повтори својот повик Русија да ја прекине војната.

Регионалниот директор на СЗО за Европа, Ханс Клуге, во својата денешна изјава нагласи дека Украина се наоѓа „во црни денови“ и предупреди дека здравствениот систем станува сѐ понесоодветен.

Клуге, исто така, истакна дека од 24 февруари стапката на имунитетот на детска парализа и сипаници во земјата постепено се намалува и истакна дека 50 отсто од аптеките низ Украина се затворени, а над 1.000 здравствени центри останале во зоната на конфликтот.