Силни дождови и поплави погодија делови од Австралија

ИСТАНБУЛ (АА) – Силни дождови и поплави денес погодија делови од Австралија со почетокот на монсунската сезона, јавува Анадолу.

Сиднеј, главен град на Нов Јужен Велс (НЈВ), беше зафатен од обилни врнежи и поплави, јавува националниот радиодифузер АБЦ.

За само еден час паднаа околу 80 милиметри дожд, што предизвика неколку возила да останат заглавени во водите.

„Властите извршија 21 до 23 спасувачки операции, а службите за итни случаи добија повеќе од 550 повици за помош“, изјави Стуарт Фишер, раководител во Државната служба за итни случаи на НЈВ.

Нема повредени лица, а жителите се предупредени да останат во своите домови.

Според временската прогноза, во регионот се очекуваат нови бури.

Во државата Викторија, која се наоѓа на југоистокот на Австралија, денес беше издадено предупредување за поплави.

Во некои области во државата паднаа повеќе од 100 милиметри дожд во текот на денот.

Поради лошите временски услови имало над 120 барања за помош во регионот.

Во Северен Квинсленд, кој веќе беше погоден од поплави, исто така, има можности за нови врнежи во монсунската сезона, а експертите очекуваат дополнителни дождови во тој дел.

Минатиот вторник беше потврдена втората жртва во поплавите – 82-годишна жена.

Во Северен Квинсленд веќе десет дена дел од луѓето се наоѓаат во домовите поради поплавите.