Телефонски разговор Лавров - Зариф за убиството на генерал Сулејмани

МОСКВА

Министерот за надворешни работи на Русија, Сергеј Лавров, оствари телефонски разговор со шефот на иранската дипломатија, Џевад Зариф, пренесува Агенција Анадолија (АА).

Тоа преку писмено соопштение го потврди Министерството за надворешни работи на Русија.

Според ова соопштение, Лавров упатил сочувство до Зариф поради убиството на генерал Касим Сулејмани, командантот на Силите на Ерусалим при Иранската револуционерна гарда.

„Двајцата министри нагласија дека активностите на САД се тешко прекршување на основните меѓународни права, дека тие не носат решение за сложените проблеми на Средниот Исток, но предизвикуваат нови тензии во регионот“, се вели во соопштението.