Трамп го именуваше поранешниот сенатор Дејвид Пердју за амбасадор во Кина

ВАШИНГТОН (АА) - Новоизбраниот американски претседател Доналд Трамп објави дека го именувал поранешниот сенатор Дејвид Пердју за амбасадор во Кина, јавува Анадолу.

Трамп ја истакна „големата експертиза на Пердју во помагањето на изградбата на нашите односи со Кина“, наведувајќи ја неговата повеќедецениска деловна кариера како клучна предност.

„Како извршен директор на Fortune 500, кој имаше 40-годишна меѓународна деловна кариера и служеше во Сенатот на САД, Дејвид носи со себе вредна експертиза со која ќе помогне во градењето на нашите односи со Кина“, соопшти Трамп преку неговата платформа „Truth Social“.

„Тој ќе биде клучен во спроведувањето на мојата стратегија за одржување на мирот во регионот и продуктивни работни односи со кинеските лидери“, додаде тој.

Назначувањето на Пердју доаѓа во време кога Трамп се заканува дека ќе воведе дополнителни царини за кинеската стока доколку Пекинг не преземе посилни мерки за да го спречи шверцот на фентанил што предизвикува голема зависност.